अलीले बाँकी दुई टेस्ट गुमाउने

एजेन्सी । इंग्ल्यान्डका अलराउण्डर मोईन अलीले भारतविरुद्धको बाँकी दुई टेस्ट खेल गुमाउने भएका छन् ।

परिवारका सदस्यसँग समय बिताउन इंग्ल्यान्ड फर्किने भएपछि अलीले बाँकी खेल नखेल्ने भएका हुन् ।

इंग्ल्यान्डका कप्तान जोय रुटले अलीले बाँकी खेल नखेल्ने पुष्टि गरे ।

चार खेलको टेस्ट सिरिजका लागि इंग्ल्यान्डको टिम भारतमा रहेको छ ।

दुई खेल बाँकी रहदा सिरिज १-१ को स्थितिमा रहेको छ ।

पहिलो टेस्ट इंग्ल्यान्ड र दोस्रो टेस्ट भारतले जितेको थियो ।

भारत र इंग्ल्यान्डबीचको तेस्रो टेस्ट फेब्रुअरी २४ मा सुरु हुनेछ ।

अलीले दोस्रो टेस्टमा उत्कृष्ट खेलेका थिए । उनले आठ विकेट लिएका थिए ।

कोरोनाको संक्रमण भएपछि अलीले पहिलो टेस्ट भने गुमाएका थिए ।