युनाईटेडसँग ग्रीनउडको नयाँ सम्झौता

एजेन्सी । युवा फरवार्ड मासन ग्रीनउडले म्यानचेस्टर युनाईटेडसँग नयाँ सम्झौता गरेका छन् ।

इंग्ल्यान्डका फरवार्ड ग्रीनउडले मंगलबार युनाईटेडसँग चार वर्षे नयाँ सम्झौता गरेका छन् ।

नयाँ सम्झौतासँगै ग्रीनउड सन् २०२५ को जुनसम्म युनाईटेडमा रहने छन् ।

१९ वर्षीय फरवार्ड युनाईटेडको एकेडेमीका खेलाडी हुन् ।

उनि सात वर्षको उमेरबाट युनाईटेडमा रहेका छन् ।

ग्रीनउड युरोपियन प्रतियोगितामा युनाईटेडका लागि गोल गर्ने सर्वाधिक कम उमेरका खेलाडी हुन् ।

ग्रीनउडले युनाईटेडका लागि ८२ खेल खेलिसकेका छन् ।