पहिलो हाफमा आर्मीलाई अग्रता

काठमाडौं । राष्ट्रिय महिला लिग फुटबलमा अहिले त्रिभुवन आर्मी क्लब र विराटनगर महानगरपालिकाबीच प्रतिस्पर्धा भईरहेको छ ।

सातदोबाटोस्थित एन्फा कम्प्लेक्समा जारी खेलको पहिलो हाफ सकिदा आर्मीले ३-० को अग्रता बनाएको छ ।

आर्मीका लागि शर्मिला थापाले दुई गोल गरिन् । यस्तै बिमला चौधरीको नाममा एक गोल रह्यो ।

आज आर्मी तेस्रो जित निकाल्ने योजनामा हुनेछ ।

आर्मी विराटनगरलाई हराएर लिगको दोस्रो स्थानमा उक्लन चाहन्छ ।

आर्मी ४ खेलमा ७ अंक जोडेर लिगको तेस्रो स्थानमा रहेको छ ।

विराटनगर ७ अंक जोडेर चौंथो स्थानमा रहेको छ ।