धनगढी । धनगढीमा फागुन १४ गते देखि २४ गतेसम्म आयोजना हुने चण्डिका ग्रुप लिटल फ्लावर प्रिमियर लिग–५ को म्यान अफ द म्याचलाई गुरु जी सटिङ एण्ड सुटिङले प्रायोजन गरेको छ ।
संघीय प्रहरी इकाई कार्यायलको खेलमैदानमा सञ्चालन हुने विद्यालय स्तरीय यु–१९ राष्ट्रिय क्रिकेट प्रतियोगिताको सह–प्रायोजकको रुपमा धनगढीस्थित गुरु जी सटिङ एण्ड सुटिङ जोडिएको हो ।
गुरु जीले चण्डिका ग्रुप लिटल फ्लावर प्रिमियर लिग–५ का प्रत्येक खेलका म्यान अफ द म्यानको नगद तथा ट्रफी वाफतको रकम आयोजकलाई प्रदान गर्नेछ ।
प्रायोजन सम्बन्धी सम्झौता पत्रमा गुरु जीका सञ्चालक सतिश जोशी र आयोजक लिटल फ्लावर स्पोटर्स एण्ड ईभेन्ट्स प्रा.लि.का अध्यक्ष रामचन्द्र शाहीका बीचमा सम्झौता पत्रमा हस्ताक्षर भएको छ ।
सम्झौता कार्यक्रममा बोल्दै गुरु जीका सञ्चालक सतिश जोशीले क्रिकेट प्रतियोगितामा जोडिएर सामाजिक उत्तरदायित्व बहन गरेको बताए । उनले व्यवसाय क्षेत्रतिर अग्रसर भईरहेको अवस्थामा क्रिकेटको जग बसाल्ने कार्यक्रममा सहयोग गरेको बताउँदै सबै जनालाई सहयोग गर्न आग्रह गरे ।
चण्डिका ग्रुप लिटल फ्लावर प्रिमियर लिग– ५ को मुख्य प्रायोजक टिकापुरमा रहेको चण्डिका ग्रुप रहेको छ ।
प्रतियोगिताको उप–विजेता पुरस्कार रकम धनगढी उत्तरवेहडी स्थित गुरुकुल एकेडेमीले प्रायोजन गरेको छ ।
प्रतियोगितामा हस्पीटालिटी पार्टनरको रुपका ईमेज होटेल प्रालिले साथ दिएको छ ।
-1751975074.jpeg)
