एजेन्सी । भारतीय क्रिकेटको सर्वोच्च निकाय (बीसीसीआई) का कोषाध्यक्ष अरुण धुमालले इन्डियन प्रिमियर लिग (आईपीएल) को आगामी संस्करण घरमै आयोजना गरिने बताएका छन् ।
कोरोना भाईरसको महामारीको कारण गत संस्करण युएईमा आयोजना भएको थियो । तर, कोषाध्यक्ष अरुणले आगामी संस्करणको आईपीएल घरमै आयोजना गर्न बीसीसीआई सक्षम रहेको बताएका छन् ।
'हामी भारतमा आयोजना गर्नका लागि काम गरिरजेका छौँ र आशावादी छौँ की हामी यो आयोजना गर्न सक्षम हुनेछौँ,' आईपीएलको गभर्निङ काउन्सिलका सदस्य समेत रहेका उनले भने, 'हामी यो समय ब्याक अपको बारेमा सोचेका छैनौँ । सायद भारत सुरक्षित छ ।'
कोरोनाको महामारी बाबजुत १३ औं संस्करणको आईपीएल युएईमा आयोजना भएको थियो । फाइनलमा दिल्लीलाई हराएर मुम्बईले उपाधि जितेको थियो ।
आगामी सिजनको आईपीएलको मिति तय भएको छैन ।
सन् २०२१ को संस्करणका लागि अक्सन फेब्रुअरी १८ मा हुने तय भईसकेको छ । अक्सन चेन्नईमा हुनेछ ।
यस्तै भारतले घरेलु मैदानमा इंग्ल्यान्डसँग दुई टेस्ट सिरिज खेल्दैछ । चेन्नईमा हुने उक्त सिरिजलाई आईपीएलको तयारीको रुपमा समेत हेरिएको छ ।
-1747576201.jpeg)
.jpg)
