बायर्नको सहज जित

एजेन्सी । जर्मन बुन्डेसलिगा फुटबलमा बायर्न म्युनिखले सहज जित निकालेको छ ।

शनिबार राति भएको खेलमा बायर्नले होफेनहाइमलाई ४-१ गोल अन्तरले पराजित गरेको हो ।

साविक विजेता समेत रहेको बायर्नले जेरोमी बोटेङको गोलबाट ३२ औं मिनेटमा अग्रता बनाएको थियो ।

खेलको ४३ औं मिनेटमा थोमस मुलरले गोल गर्दै बायर्नलाई २-० को अग्रता दिलाए ।

त्यसको एक मिनेट नबित्दै ४४ औं मिनेटमा आन्द्रेज क्रमारीचले गोल गर्दै होफेनहाइमलाई २-१ को स्थितिमा ल्याए ।

खेलको ५७ औं मिनेटमा रोबर्टो लेवान्डोस्कीले गोल गर्दै बायर्नलाई ३-१ को अग्रता दिलाए ।

त्यसपछि खेलको ६३ औं मिनेटमा सर्जी गनाब्रीले गोल गर्दै बायर्नलाई ४-१ को जित दिलाए ।

जितसंगै बायर्नले शीर्ष स्थानमा ७ अंकको अग्रता बनाएको छ ।

बायर्नले १९ खेलमा ४५ अंक जोडेको छ । होफेनहाइम २२ अंक जोडेर १२ औं स्थानमा रहेको छ ।

दोस्रो स्थानको आरबी लाइपजिगको ३८ अंक रहेको छ ।

लाइपजिगले शनिबार राति बायर लेवरकुसेनलाई १-० ले पराजित गरेको छ ।

अर्को खेलमा बोरुसिया डर्टमण्डले अग्स्बर्गलाई ३-१ ले हराएको छ ।