करण आबद्द पुने पराजित

काठमाडौं । नेपाली राष्ट्रिय क्रिकेट टोलीका अलराउण्डर करण केसी आबद्द पुने डेभिल्सले आबुधाबी टी-१० लिगमा हार व्यहोरेको छ ।

शुक्रबार भएको खेलमा पुने क्वालान्दर्ससँग ९ विकेटले पराजित भएको हो ।

पुनेले दिएको १ सय ८ रनको लक्ष्य क्वालान्दर्सले ७ ओभर १ बलमा मात्र १ विकेट गुमाएर पुरा गर्यो ।

क्वालान्दर्सका टम बानटनले ४५ रन बनाए । यस्तै सोहिल अख्तरले अविजित ३३ रन जोड्दा सार्जिल खानले २८ रन बनाए ।

पुनेका मुनिस अन्सारीले १ विकेट लिए ।

करणले १ ओभर बलिङ गर्दै ९ रन खर्चिए ।

यस अघि टस हारेर पहिले ब्याटिङ गरेको पुनेले १० ओभरमा २ विकेट गुमाएर १ सय ७ रन बनाएको थियो ।

पुनेका टम काडमोरले ५४ रनको अर्धशतकीय इनिङ्स खेले ।

यस्तै डरविस रासोलीले अविजित ३९ रन बनाए ।

क्वालान्दर्सका सुल्तान अहमेद र क्रिस जोर्डनले १/१ विकेट लिए ।