सोमपाल आबद्द अरेबियन्सको विजयी सुरुवात
काठमाडौं । आबुधाबी टी-१० लिगको पहिलो खेलमा साविक विजेता मरठा अरेबियन्सले जित निकालेको छ ।
आबुधाबीमा बिहीबार भएको खेलमा अरेबियन्सले नर्थन वारिवर्सलाई ५ विकेटले हराएको हो ।
वारिवर्सले दिएको १ सय २८ रनको लक्ष्य अरेबियन्सले १० ओभरमा ५ विकेट गुमाएर पुरा गर्यो ।
अरेबियन्सको जितमा अब्दुल शकुरले ७३ रनको अर्धशतकीय इनिङ्स खेले ।
मोहमद हाफिजले १९ रन जोडे ।
वारिवर्सका फाबियन एलेनले २ विकेट लिए ।
यस अघि टस हारेर पहिले ब्याटिङ गरेको वारिवर्सले १० ओभरमा २ विकेट गुमाएर १ सय २७ रन बनाएको थियो ।
वारिवर्सका लिन्डेल सिमोन्सले ५४ रनको अर्धशतकीय इनिङ्स खेले ।
ब्राण्डन किङले २९ रन जोड्दा रोभम्यान पावेलले अविजित २२ रन जोडे ।
कप्तान निकोलस पुरनले १९ रन बनाए ।
अरेबियन्सका मुक्तर अलिले १ विकेट लिए ।
अरेबियन्सका लागि नेपालका अलराउण्डर सोमपाल कामीले डेब्यु गरे ।
सोमपालले २ ओभर बलिङ गर्दै २८ रन खर्चिए ।
