अष्ट्रेलियाविरुद्धको टेस्ट सिरिज जित्ने टिमलाई ५ करोड पुरस्कार

एजेन्सी । भारतीय क्रिकेटको सर्वोच्च निकाय बीसीसीआईले अष्ट्रेलियाविरुद्धको टेस्ट सिरिज जित्ने टिमलाई ५ करोड भारु पुरस्कार दिने घोषणा गरेको छ ।

भारतले मंगलबार अष्ट्रेलियाविरुद्धको ४ खेलको टेस्ट सिरिज २-१ ले जितेको थियो ।

अन्तिम तथा चौंथो टेस्टमा अष्ट्रेलियालाई ३ विकेटले हराएर भारतले सिरिज आफ्नो बनाएको थियो ।

अष्ट्रेलियालाई उसैको मैदानमा हराएर सिरिज जितेपछि बीसीसीआईले टिमलाई ५ करोड भारुबाट पुरस्कृत गर्ने घोषणा गरेको हो ।