भारतलाई जित निकाल्न ३ सय २८ रन आवश्यक

एजेन्सी । भारतविरुद्धको चौंथो तथा अन्तिम टेस्टको दोस्रो इनिङ्समा अष्ट्रेलिया २ सय ९४ रनमा अलआउट भएको छ ।

ब्रिसबेनमा चौंथो दिन सोमबार अष्ट्रेलिया २ सय ९४ रनमा अलआउट भएको हो ।

अष्ट्रेलिया अलआउट भएसंगै भारतलाई जितका लागि ३ सय २८ रनको आवश्यकता परेको छ ।

दोस्रो इनिङ्समा अष्ट्रेलियाका स्टिभ स्मिथले ५५ रन बनाए । डेभिड वार्नरले ४८ रन जोड्दा मार्कुस हारिसले ३८ रन बनाए ।

भारतका मोहमद सिराजले ५ विकेट लिए । सार्दुल ठाकुरले ४ विकेट लिए ।

भारतले पहिलो इनिङ्समा अलआउट हुँदै ३ सय ३६ रन बनाएको थियो ।

भारतका लागि शार्दूल ठाकुरले ६७ र वासिङ्टन सुन्दरले ६२ रन बनाए । रोहित शर्माले ४४ रन जोड्दा मायांक अग्रवालले ३८ रन जोडे । कप्तान अजिंका रहाने ३७ रनमा आउट भए ।

अष्ट्रेलियाका जोस हाजलउडले ५ विकेट लिए । पाट कुमिन्स र मिचेल स्टार्कले २/२ विकेट लिए ।

अष्ट्रेलिया पहिलो इनिङ्समा ३ सय ६९ रन जोड्दा अलआउट भयो ।

अष्ट्रेलियाका लागि मार्नस लाबुसेनले शतक बनाए । लाबुसेन १ सय ८ रन बनाएर आउट भए ।

कप्तान टिम पेनले ५० रनको अर्धशतकीय इनिङ्स खेल्दा क्यामरुन ग्रिनले ४७ रन बनाए ।

यस्तै पूर्व कप्तान स्टिभ स्मिथले ३६ र म्याथ्यु वेडले ४५ रन जोडे ।

नाथन लायन २४ रनमा आउट हुँदा मिचेल सतर्क २० रनमा अविजित रहे ।

भारतका टी-नटराजन र सार्दुल ठाकुरले ३/३ विकेट लिए ।

दुई टिमबीचको ४ खेलको सिरिज १-१ को बराबरीमा रहेको छ ।

अन्तिम टेस्ट निर्णायक टेस्टको रुपमा रहेको छ ।