न्यु डायमण्ड महिला राष्ट्रिय भलिबलको फाइनलमा

कास्की । न्यु डायमण्ड एकेडेमी पोखरामा जारी महिला राष्ट्रिय भलिबल प्रतियोगिताको फाइनलमा प्रबेश गरेको छ ।

मंगलबार भएको पहिलो सेमिफाइनलमा चितवन टाइगर्सलाई पराजित गर्दै न्यु डायमण्ड एकेडेमी प्रतियोगिताको फाईनल पुगेको हो ।

पोखराको लामाचौरस्थित इन्द्रराज्यलक्ष्मी माबिको भलिबल कोर्टमा भएको खेल न्युडायमण्डले २५–१८, २५–२४ र २५–१७ को सेटले जित्यो ।

न्युडायमण्डले उपाधिकालागि अब विभागीय टिम एपीएफ र आर्मीबीचको विजेतासंग प्रतिस्पर्धा गर्नेछ ।

प्रतियोगिताको विजेताले एक लाख र उपबिजेताले ६५ हजार रुपैयाँ प्राप्त गर्नेछन् । प्रतियोगितामा दुई बिभागिय क्लब एपिएफ र आर्मी सहित ५ टोली सहभागि छन् ।