अष्ट्रेलियाविरुद्ध भारत दबाबमा

एजेन्सी । घरेलु टिम अष्ट्रेलियाविरुद्धको चौथो तथा अन्तिम टेस्टको पहिलो इनिङ्समा शनिबार भारतले खराब सुरुवात गरेको छ ।

ब्रिसबेनमा जारी टेस्टको दोस्रो दिन भारतले २ विकेट गुमाएर ६२ रन जोडेको छ । वर्षाको कारण चाडै दोस्रो दिनको खेल समाप्ति हुँदा भारतले गतिलो जवाफ फर्काउन सकेन । पहिलो इनिङ्समा भारत ३ सय ७ रनले पछि रहेको छ ।

भारतका रोहित शर्माले ४४ रन जोड्दा शुबमन गिल ७ रनमा आउट भए । चेतेश्वर पुजारा ८ र कप्तान अजिंका रहाने २ रनमा अविजित रहेका छन् ।

अष्ट्रेलियाका पाट कुमिन्स र नाथन लायनले १/१ विकेट लिईसकेका छन् ।