पीएम कपका लागि लुम्बिनीको टिम घोषणा
काठमाडौं । प्रधानमन्त्री कप (पीएम) क्रिकेटको लागि लुम्बिनी प्रदेशले टिमको घोषणा गरेको छ ।
लुम्बिनीले प्रतियोगिताको लागि बिहीबार १४ सदस्सीय टिमको घोषणा गरेको हो ।
लुम्बिनीले कृष्ण कार्कीको कप्तानीमा टिमको घोषणा गरेको हो ।
यस्तै टिममा सौरभ खनाल, बिक्रम भुसाल,अनिल खरेल, सन्दीप सुनार,सन्दीप रजाली,राजविर सिंह,प्रकाश केसी, सुशान्त सिंह थापा, प्रनित थापा मगर, जितेन्द्र साहनी, देव खनाल,दिपेन्द्र रावत र अमित तामाङ रहेका छन् ।
यस्तै वैकल्पिक खेलाडीमा विशाल बिक्रम केसी,तुलाराम थापा,नरेश सार्की र नितेश थापा रहेका छन् ।
खेलाडी छनोटको लागि लुम्बिनी प्रदेशले छनोट प्रतियोगिता आयोजना गरेको थियो ।
बिहीबार भएको फाइनलमा रुपन्देहीले बाँकेलाई १ सय ७ रनले हराएर उपाधि जितेको थियो ।
रुपन्देहीले ४० ओभरमा ८ विकेट गुमाएर १ सय ८७ रन बनाएको थियो । उसका सन्दीप रजालीले ८९ रन जोड्दा प्रकाश केसीले ३५ रन बनाए ।
बाँकेका अजय सहानी र आकाश बिष्टले ३/३ विकेट लिए ।
जवाफमा बाँके २६ ओभर ३ बलमा ८० रन जोड्दा अलआउट भयो । उसका रमेश सिंहले १९ रन जोडे । रुपन्देहीका अनिल खरेलले ५ विकेट लिए ।
प्रधानमन्त्री कप क्रिकेट भोलिबाट टियु क्रिकेट मैदान सुरु हुँदैछ ।
उद्घाटन खेलमा आर्मीले गण्डकी प्रदेशसँग प्रतिस्पर्धा गर्नेछ ।
प्रतियोगितामा ३ विभागिय टोली सहित ७ प्रदेशको सहभागिता रहेको छ ।
प्रतियोगितामा सहभागी १० टोलीलाई २ समूहमा विभाजन गरिएको छ ।
