जयकिसानमाथि धम्बोझीको सानदार जित

नेपालगन्ज । प्रथम स्वर्गीय श्याम थापा प्रथम स्मृति फुटबल प्रतियोगितामा धम्बोझी स्पोर्ट्स नेपालगन्जले सानदार जित निकालेको छ ।

खजुरा गाउँपालिका–१, सैनिकमा बुधबार धम्बोझीले जयकिसान स्पोर्ट्स सैनिकलाई ४-० गोल अन्तरले पराजित गर्यो ।

धम्बोझीको जितमा अनिश पौडेलले २ गोल गरे । उद्धव कार्की र शनिल थापामगरले १-१ गोल गरे ।

दोस्रो खेलमा साहारा एकेडेमी, लखनउले सिटि एकेडेमी, कोहलपुरलाई २-० ले हराएको छ ।

साहाराको जितमा रोहित र अरनपले एक एक गोल गरे ।

जय किसान स्पोर्ट्सले अयोजना गरेको प्रतियोगिता माघ ९ गतेसम्म चल्नेछ ।

प्रतियोगितामा भारतीय दुई टिमसहित नेपालका विभिन्न क्लबहरु गरी १७ टिमले भाग लिएका छन् ।

नकआउटको आधारमा हुने प्रतियोगिताको विजेताले एक लाख पाँच हजार रुपैयाँ र उपविजेताले ५५ हजार रुपैयाँ पाउने आयोजक जय किसान स्पोर्ट्स क्लब सैनिकका अध्यक्ष दीपु रानाले बताए ।

मैटहवा माविको फुटबल मैदान भइरहेको प्रतियोगिता बाँकेको जिल्ला सर्वाधिक पुरस्कार राशीको प्रतियोगिताको रुपमा रहेको आयोजक क्लबका महासचिव दीपक रानाले बताए ।