टाइगर र देवघाटको जित

चितवन । टाइगर युवा क्लब र देवघाट 'ए' ले चितवनको नारायणीमा सुरु सेभेन 'ए' साइट फुटबलमा जित निकालेका छन् ।

नारायणी नदि किनारमा मंगलबार भएको खेलमा टाइगरले गोर्खाली एफसीलाई ४-० ले पराजित गर्यो ।

यस्तै देवघाटले एनसीएफसीलाई २-१ ले पराजित गर्यो ।

भरतपुरले भेडाबारीलाई १-० ले पराजित गर्दा बुद्धले देवचुलीलाई ३-१ ले हराएको छ ।

हानामी एभेरस्टले रामनगरलाई टाइब्रेकरमा ४-३ ले हराएको छ ।

नारायणी एकता क्लबको आयोजनामा जारी प्रतियोगिता माघ २ सम्म चल्नेछ ।

प्रतियोगितामा ३२ टिमको सहभागिता रहेको छ ।

प्रतियोगिताको विजेताले ४० हजार प्राप्त गर्दा उपविजेताले २० हजार पाउने छन् ।