राजस्थानले स्मिथलाई रिलिज गर्ने

एजेन्सी । इण्डियन प्रिमियर लिग (आईपीएल) टी-ट्वान्टी क्रिकेटको फ्रेन्चाइज टिम राजस्थान रोयल्सले कप्तान स्टिभ स्मिथलाई रिलिज गर्ने भएको छ ।

आईपीएलको नयाँ मेगा अक्सन अगाडी राजस्थानले कप्तान स्मिथलाई रिलिज गर्ने भएको हो ।

क्रिकेट सम्बन्धि वेबसाइट ईएसपिएनक्रिकइन्फोले स्मिथलाई राजस्थानले अक्सनमा पठाउने तयारी गरेको जनाएको छ ।

तर, राजस्थानले औपचारिक रुपमा केहि बताएको छैन ।

आईपीएलले टिमलाई खेलाडी रिलिज र रिटेनको मिति जनवरी २० सम्मको दिएको छ ।

आईपीएलले अक्सन फेब्रुअरी ११ मा गर्ने तयारी गरेको जनाएको छ ।

गत सिजन स्मिथले १४ खेलमा ३ सय ११ रन बनाएका थिए ।

स्मिथलाई सन् २०१८ को अक्सन अघि राजस्थानले रिटेन गरेको थियो ।