बराबरीमा रोकियो इन्टर

एजेन्सी । इटालियन सिरी 'ए' फुटबलमा इन्टर मिलान बराबरीमा रोकिएको छ ।

आइतबार राति भएको खेलमा इन्टर रोमासँग २-२ गोलको बराबरीमा रोकिएको हो ।

रोमाको मैदानमा सुरुवाती अग्रता भने घरेलु टोलीले बनाएको थियो ।

लोरेन्जो पेल्लिग्रिनीले १७ औं मिनेटमा गोल गर्दै रोमालाई अग्रता दिलाएका थिए ।

खेलको ५६ औं मिनेटमा मिलानले गोल गर्दै इन्टरलाई १-१ गोलको बराबरीमा फर्काए ।

खेलको ६३ औं मिनेटमा हाकिमी आच्रफले गोल गर्दै इन्टरलाई २-१ को अग्रता दिलाए ।

तर, खेलको ८६ औं मिनेटमा रोमाका जियानलुका मानसिनिले गोल गरेपछि खेल २-२ गोलको बराबरी सकिएको थियो ।

बराबरीसँगै इन्टरले १७ खेलमा ३७ अंक जोडेको छ । इन्टर तालिकाको दोस्रो स्थानमा रहेको छ ।

रोमा ३४ अंक जोडेर तेस्रो स्थानमा रहेको छ ।