सिटीका ३ जनालाई कोरोना

एजेन्सी । इंग्लिस प्रिमियर लिग क्लब म्यानचेस्टर सिटीका २ खेलाडीसहित ३ जनालाई कोरोना भाईरसको संक्रमण देखिएको छ ।

सिटीले बुधबार खेलाडी र स्टाफ गरी ३ जनालाई कोरोना देखिएको जनाएको छ ।

सिटीले गोलकिपर स्कट कार्सन र मिडफिल्डर कोल पाल्मेरलाई कोरोना देखिएको जनाएको छ ।

कोरोना संक्रमित स्टाफको नाम भने सिटीले खुलाएको छैन ।

कोरोना देखिएपछि उनीहरु सेल्फ आईसोलेसनमा बसेको बताईएको छ ।

काराबाओ कप (इएफएल) फुटबलको सेमिफाइनल खेल अघि सिटीका खेलाडीमा कोरोना देखिएको हो ।

सिटीले दोस्रो सेमिफाइनलमा आज म्यानचेस्टर युनाईटेडसँग उसैको मैदानमा खेल्दैछ ।

यस खेलको विजेताले फाइनलमा टोटेनहमसँग प्रतिस्पर्धा गर्नेछ ।