अलीसहित सबै खेलाडीको कोरोना रिपोर्ट नेगेटिभ

एजेन्सी । इंग्ल्यान्ड क्रिकेट टिमका अलराउण्डर मोइन अलीसहित सबै खेलाडीको कोरोना रिपोर्ट नेगेटिभ आएको छ ।

घरेलु टिमसँगको टेस्ट सिरिजका लागि श्रीलंकामा रहेका इंग्ल्यान्डका सबै खेलाडीको कोरोना रिपोर्ट नेगेटिभ आएको हो ।

श्रीलंका आएपछि गरिएको कोरोना परिक्षणमा अलीको रिपोर्ट पोजेटिभ देखिएको हो ।

त्यसपछि सबै खेलाडीको पुन: परिक्षण गरिएको थियो ।

कोरोना नेगेटिभ आएपनि अली १० दिनको सेल्फ आईसोलेसनमै रहेका छन् ।

यस्तै अलीसँग क्लोज कन्ट्याक्टमा परेका क्रिस वोक्स पनि आईसोलेसनमा बसेका छन् ।

कोरोना नेगेटिभ आएपछि इंग्ल्यान्डको टिमले बुधबारबाट प्रशिक्षण समेत थालेको छ ।

इंग्ल्यान्डले श्रीलंकासँग दुई खेलको टेस्ट सिरिज खेल्दैछ ।

पहिलो टेस्ट जनवरी १४ मा सुरु हुनेछ । दोस्रो टेस्ट जनवरी २२ मा सुरु हुनेछ ।