म्यानचेस्टर डर्बीमा युनाईटेड र सिटी भिड्दै

एजेन्सी । काराबाओ कप (इएफएल) फुटबलको दोस्रो सेमिफाइनलमा आज म्यानचेस्टर युनाईटेड र म्यानचेस्टर सिटीबीच प्रतिस्पर्धा हुँदैछ ।

ओल्ड ट्राफोर्डमा हुने म्यानचेस्टर डर्बी भिडन्त नेपाली समय अनुसार राति १:३० बजे सुरु हुनेछ ।

दुबै टिम जित निकाल्दै फाइनल पुग्ने लक्ष्यसहित मैदान उत्रने छन् ।

यस खेलको विजेताले फाइनलमा टोटेनहमसँग प्रतिस्पर्धा गर्नेछ ।

टोटेनहम च्याम्पियनसिप क्लब ब्रेन्टफोर्डलाई २-० ले पराजित गर्दै फाइनल पुगिसकेको छ ।

घरेलु मैदानमा सिटीविरुद्ध युनाईटेडका फरवार्ड एडिन्सन काभानीले खेल्ने छैनन् । ३ खेलको प्रतिबन्धको कारण उनी टिम बाहिर रहेका छन् ।

तर, सिटीका ग्राबियल जिसस र केली वाल्करले युनाईटेडविरुद्ध खेल्ने सम्भावना रहेको छ । उनीहरु कोरोनाको कारण सेल्फ आईसोलेसन अवधि पुरा गरेर टिममा सामेल भईसकेका छन् ।

युनाईटेड र सिटीबीच गत सिजन समेत सेमिफाइनलमा भिडेका थिए । गत सिजन सिटीले समग्रमा ३-२ को जित निकालेको थियो ।

यस पटक भने एकल लिग अनुसार प्रतियोगिता भईरहेको छ ।