आजमले दोस्रो टेस्ट गुमाउने

एजेन्सी । पाकिस्तानका कप्तान बाबर आजमले न्युजिल्याण्डविरुद्धको दोस्रो तथा अन्तिम टेस्ट गुमाउने भएका छन् ।

अभ्यासको क्रममा चोट बोकेका आजमले अन्तिम टेस्ट समेत गुमाउने भएका हुन् ।

न्युजिल्याण्ड भ्रमणमा रहेको पाकिस्तान र घरेलु टिमबीचको दोस्रो तथा अन्तिम टेस्ट आइतबार सुरु हुनेछ ।

आईसीसी टेस्ट च्याम्पियनसिप अन्तर्गतको दुई खेलको सिरिजमा न्युजिल्याण्ड १-० ले अघि रहेको छ ।

पहिलो टेस्टमा न्युजिल्याण्डले पाकिस्तानलाई १ सय १ रनले हराएको थियो ।

आजमले पहिलो टेस्ट समेत गुमाएका थिए ।

त्यसअघि उनी टी-ट्वान्टी सिरिजमा समेत टिम बाहिर रहेका थिए ।

पाकिस्तानले घरेलु मैदानमा दक्षिण अफ्रिकाविरुद्धको सिरिजमा भने उनी टिममा फर्कने आशा राखेको छ ।