सियारी टी-ट्वान्टी क्रिकेट पुस २१ बाट

काठमाडौं । दोस्रो संस्करणको सियारी टी-ट्वान्टी कप क्रिकेट पुस २१ गते बाट सुरु हुने भएको छ ।

आयोजक अमवा युवा क्लब, रुपन्देहीले प्रतियोगिता पुस २१ गते सुरु हुने जनाएको छ ।

सियारी गाउपालिका अमवामा हुने प्रतियोगिताका लागि आयोजकले टिम दर्ता समेत सुरु गरिसकेको छ ।

प्रतियोगिताको विजेताले ५१ हजार १ सय ११ रुपैयाँ प्राप्त गर्दा उपविजेताले २५ हजार ५ सय ११ प्राप्त गर्ने छन् ।

यस्तै उत्कृष्ट बलर, ब्याट्सम्यान, म्यान अफ दि सिरिज र प्लेयर अफ दि म्याचले समेत पुरस्कार पाउने छन् ।

नकआउटका आधारमा हुने प्रतियोगिता जनता माविको खेल मैदानमा हुनेछ ।