पहिलो जितको लागि खेल्दै बागमती र गण्डकी

काठमाडौँ । प्रधानमन्त्री कप राष्ट्रिय महिला क्रिकेट प्रतियाेगिता अन्तर्गत बुधबार (आज) दुई खेल हुँदैछ ।

दाङको लमहीमा सञ्चालित प्रतियाेगितामा समुह बी अन्तर्गत सुदुरपश्चिम प्रदेशले प्रदेश १ तथा बागमती प्रदेशले गण्डकी प्रदेशको सामना गर्ने छ ।

पहिलो खेलमा सुदुरपश्चिम प्रदेशले प्रदेश १ संग खेल्नेछ । खेल बिहान ९ बजे सुरु हुनेछ ।

यसअघि दुवै टिमले पहिलो खेलमा जित हात पारेका थिए । लगातार दोस्रो जित निकाल्दै दुवै टिम सेमिफाइनल स्थान बलियो बनाउन चाहान्छन् ।

यस्तै, दोस्रो खेलमा बागमती प्रदेशले गण्डकी प्रदेशविरुद्ध खेल्नेछ । खेल दिउँसो १ बजे सुरु हुनेछ ।

दुवै टिम प्रतियोगितामा पहिलो जितको खोजीमा रहेका छन् । यसअघि दुवै टिमले आफ्नो पहिलो खेलमा खराब सुरुवात गरेका थिए ।

समुह 'ए' बाट विभागीय टिम एपीएफ र लुम्बिनी प्रदेश सेमिफाइनल प्रवेश गरिसकेका छन् । एपीएफ समुह विजेता तथा लुम्बिनी उपविजेता बन्दै सेमिफाइनल पुगेका हुन् ।

समुह बीको विजेताले लुम्बिनी र उपविजेताले एपीएफसंग सेमिफाइनल खेल्ने छन् ।

समुह ए मा एपीएफ, प्रदेश २, कर्णाली प्रदेश र लुम्बिनी प्रदेश रहेका छन् । प्रदेश २ र कर्णाली प्रदेश भने प्रतियोगिताबाट बाहिरिएका छन् ।

यस्तै, समुह बीमा सुदुरपस्चिम प्रदेश, बागमती प्रदेश, गण्डकी प्रदेश र प्रदेश १ रहेका छन् ।