युभेन्ट्सको पुनरागमन जित
एजेन्सी । इटालियन सिरी 'ए' फुटबलमा साविक विजेता युभेन्ट्सले जित निकालेको छ ।
शनिबार राति भएको खेलमा युभेन्ट्सले टोरिनोविरुद्ध २-१ गोलको पुनरागमन जित निकालेको हो ।
घरेलु मैदानमा सुरुवाती एक गोलले पछि परेपनि युभेन्ट्सले उत्कृष्ट पुनरागमन गर्यो ।
खेलको नवौं मिनेटमा निकोलस एनकोउलोले गोल गर्दै टोरिनोलाई अग्रता दिलाएका थिए ।
तर, दोस्रो हाफमा युभेन्ट्स खेलमा फर्किएको थियो ।
खेलको ७८ औं मिनेटमा वेस्टन म्याकेनीले गोल गर्दै युभेन्ट्सलाई १-१ गोलको बराबरीमा फर्काए ।
त्यसपछि खेलको ८९ औं मिनेटमा लियोनार्दो बोनुचीले गोल गर्दै युभेन्ट्सलाई २-१ को जित दिलाए ।
यस्तै खेलको इन्जुरी समयमा कार्लोले रातो कार्ड पाएपछि युभेन्ट्स १० खेलाडीमा समेटिएको थियो ।
घरेलु मैदानको जितसँगै युभेन्ट्स दोस्रो स्थानमा उक्लिएको छ ।
युभेन्ट्सले १० खेलमा २० अंक जोडेको छ ।
टोरिनो ६ अंक जोडेर १८ औं स्थानमा रहेको छ ।
