मछिन्द्र र आर्मीका खेलाडीको वर्चश्व !

गृहपृष्ठ
फुटबल

बुधबार, मंसिर १७, २०७७ खेलपाटी संवाददाता

काठमाडौं । अखिल नेपाल फुटबल संघ (एन्फा) ले राष्ट्रिय फुटबल टिमका लागि प्रारम्भिक चरणमा ५८ खेलाडीलाई बन्द प्रशिक्षणमा बोलाएको छ ।

फिफा विश्वकप र एसियन कप छनोट अन्तर्गत बाँकी रहेको ३ खेलका लागि एन्फाले बुधबार ५८ खेलाडीलाई बन्द प्रशिक्षणमा बोलाएको हो ।

छनोटको समूह 'बी' मा रहेको नेपालले घरेलु मैदानमा अष्ट्रेलिया, जोर्डन र चाईनिज ताईपेसँग खेल्न बाँकी रहेको छ ।

सोहि खेलका लागि कार्यकारी प्रशिक्षक बाल गोपाल महर्जनले ठुलो संख्यामा खेलाडीलाई प्रशिक्षणमा बोलाएका हुन् ।

महर्जनले बोलाएको टिममा लामो समय टिम बाहिर रहेका कप्तान विराज महर्जन, स्ट्राइकर विमल घर्ति मगर, मिडफिल्डर सन्तोष तामाङ, डिफेन्डर दिनेश राजवंशी र आदित्य चौधरी परेका छन् ।

प्रारम्भिक चरणमा ७ गोलकिपर, १८ डिफेन्डर, २० मिडफिल्डर र १३ फरवार्ड टिममा परेका छन् ।

यस्तै यस पटक 'ए' डिभिजन लिगमा प्रतिस्पर्धा गर्ने १३ वटै क्लबका खेलाडी बन्द प्रशिक्षणका लागि डाकिएको टिममा अटाएका छन् ।

'बी' डिभिजन घटुवा भएको सरस्वती क्लब बाहेक अन्य क्लबका खेलाडीले प्रारम्भिक चरणमा स्थान बनाएका छन् ।

जसमा सर्वाधिक लिग विजेता मछिन्द्र क्लब र उपविजेता त्रिभुवन आर्मीबाट ९–९ खेलाडी रहेका छन् ।

लिगमा तेस्रो स्थान हात पारेको मनाङ मर्स्याङ्दीबाट ६ खेलाडी रहँदा च्यासल युथबाट ५ खेलाडीले स्थान बनाए ।

यस्तै थ्री स्टार, न्युरोड टिम एन आर टी, ब्रिगेड ब्वाईज र संकटाबाट समान ४ खेलाडी रहँदा पुलिसबाट ३ खेलाडीले स्थान बनाए ।

फ्रेन्ड्स, हिमालयन शेर्पा र एपीएफका २–२ खेलाडीले स्थान बनाउँदा जावलाखेलका एक खेलाडीले प्रारम्भिक चरणमा स्थान बनाएका छन् ।

नेपाल बाहिरको लिग खेल्दै आएका कार्यकारी कप्तान तथा गोलकिपर किरण चेम्जोङ, अर्का गोलकिपर अर्पण कार्की र डिफेन्डर रोहित चन्दले पनि प्रारम्भिक चरणको टिममा स्थान बनाएका छन् ।

कुन क्लबका कुन खेलाडी ?

मछिन्द्र - विशाल श्रेष्ठ, देवेन्द्र तामाङ, विराज महर्जन, रजिन धिमाल, सुजल श्रेष्ठ, विशाल राई, बिमल घर्ति मगर, रेजिन सुब्बा, अभिषेक रिजाल,

आर्मी - विकेश कुथु, विकास खवास, सुमन अर्याल, विकास तामाङ, सन्तोष तामाङ, सेसेहाङ आङदेम्बे, जर्ज प्रिन्स कार्की, भरत खवास, नवयुग श्रेष्ठ,

मनाङ - दीप कार्की, आदित्य चौधरी, सुरज विक, पुजन उपरकोटी, विमल राना, अन्जन विष्ट

च्यासल युथ - छिरिङ गुरुङ, दिनेश राजवंशी, हेमन्त थापामगर, नितिन थापा, सुनिल बल

थ्री स्टार - अनन्त तामाङ, निशान खड्का, मिक्छेन तामाङ, संजोक राई

एन आर टी - एरिक विष्ट, दर्शन गुरुङ, राजेश परियार, अशोक थापा

ब्रिगेड ब्वाईज - विशाल सुनार, रन्दिप पौडेल, रजत तिवारी, जय गुरुङ,

संकटा - सरोज दाहाल, अमित तामाङ, सुभाष गुरुङ, दिपेश आलेमगर,

पुलिस - अजित भण्डारी, तेज तामाङ, रवी पासवान,

फ्रेन्ड्स क्लब - देव लिम्बु, प्रिजेन तामाङ

एपीएफ - राजीव लोप्चन, आशिष लामा,