केन र सन रोक्ने सिल्भालाई चुनौती

गृहपृष्ठ
फुटबल

शनिबार, मंसिर १३, २०७७ खेलपाटी संवाददाता

एजेन्सी । चेल्सी प्रशिक्षक फ्राङ्क लाम्पार्डले थियागो सिल्भाको अनुभव र नेतृत्वमा टोटेनहमका फरवार्डद्धय ह्यारी केन र सन ह्युङ मिनलाई रोक्न सकिने विश्वास व्यक्त गरेका छन् ।

टोटेनहमले प्रिमियर लिग फुटबलमा आईतबार स्टामफोर्ड ब्रिजको भ्रमण गर्दैछ ।

लण्डन डर्बीमा टोटेनहमका स्टारद्धय केन र सनलाई रोक्न सिल्भाको अनुभवन र नेतृत्व क्षमताले काम गर्ने चेल्सी प्रशिक्षक लाम्पार्डको विश्वास छ ।

टोटनहमका फरवार्डद्धय यस सिजन निकै फर्ममा छन् । दुवै खेलाडीले प्रिमियर लिगमा यस सिजन १६ गोल गरिसकेका छन् । जसले टोटेनहमलाई प्रिमियर लिगको शीर्ष स्थानमा राख्न सफल भएको छ ।

चेल्सीले घरेलु मैदानमा जित निकाल्दै शहरी प्रतिद्धन्दीलाई उछिन्न सकिने विश्वास लिएको छ । लाम्पार्डलाई समर ट्रान्सफरमा पीएसजीबाट अनुबन्धन गरिएका सिल्भाको नेतृत्वमा टोटनहमलाई रोक्न सकिने लागेको छ ।

‘निष्पक्ष रुपमा भन्दा ह्यारी केनले विश्व फुटबलका अधिकाश डिफेन्डरविरुद्ध खेल्न सक्नेछन् । उनले एक समस्या दिन सक्छन् ।’ लाम्पार्डले सञ्चारकर्मीसग भने ।

‘म भाग्यलाई मान्न चाहन्न । तर थिएगोसंग भएको क्षमता, उनको अवस्था र अनुभव । उनले व्यक्तिगत रुपमा यसलाई समाधान गर्न सक्छन् । उनले आसपासमा दोस्रोलाई समेत सोही प्रभाव छाड्न सक्छन् ।’ उनी भन्छन् ।

‘जब तपाई केन र सन जस्ता चतुर खेलाडीविरुद्ध खेल्नुहुन्छ, मुख्य रुपमा तपाईको एकाग्रता एकदम ठिक हुनपर्छ । परिस्थितीलाई समाधान गर्ने चाहना हुन आवश्यक छ । थियागोमा यो चिज छ ।’ लाम्पार्डले भने ।

सिल्भालाई अनुबन्धन गर्ने चेल्सीको निर्णय निकै फलदायी बनेको छ । उनी भर्खरै ३६ वर्ष पुरा गरे । उनी सेन्टर डिफेन्डरको रुपमा चेल्सीका महत्वपूर्ण खेलाडी हुन् ।

पछिल्ला ८ मध्य ६ खेलमा उनले क्लिन चिट निकालेका छन् । यसले चेल्सीको डिफेन्सको पुरानो समस्या सुधारिएको देखाएको छ ।

ईटालीबाट प्राप्त रिपोर्ट अनुसार सिल्भा एक वर्ष अनुबन्धन थप गर्ने विषयमा क्लबसंग छलफल गरिरहेका छन् । तर लाम्पार्डले यस दाबीलाई अस्विकार गरेका छन् । उनले क्लबलेनै सम्झौतामा एक सिजन थप गर्ने विकल्प रहेको उल्लेख गरेका छन् ।