एजेन्सी । यूईएफए च्याम्पियन्स लिग फुटबलमा आज फ्रेन्च क्लब पेरिस सेन्ट जर्मेन (पीएसजी) ले जर्मन क्लब आरबी लाइपजिगसँग खेल्दैछ ।
साविक उपविजेता समेत रहेको पीएसजीले घरेलु मैदानमा लाइपजिगसँग खेल्नेछ । पीएसजी र लाइपजिगबीचको खेल नेपाली समय अनुसार राति १:४५ बजे सुरु हुनेछ ।
समूह 'एच' मा रहेको पीएसजी घरेलु मैदानमा जित निकाल्दै समूहको शीर्ष दुई भित्र उक्लन चाहन्छ ।
तर, बलियो टिम लाइपजिगविरुद्ध जित निकाल्न पीएसजीलाई सहज भने छैन ।
पीएसजी ३ खेलमा ३ अंक जोडेर तेस्रो स्थानमा रहेको छ ।
लाइपजिग ३ खेलमा ६ अंकसहित दोस्रो स्थानमा रहेको छ ।
लाइपजिग पीएसजीलाई हराएर शीर्ष स्थानमा उक्लन चाहन्छ ।
यसै समूहको अर्को खेलमा इंग्लिस क्लब म्यानचेस्टर युनाईटेडले टर्किस क्लब इस्तानबुल बासाकसेरसँग खेल्दैछ ।
युनाईटेडले टर्किस क्लबसँग घरेलु मैदानमा खेल्नेछ ।
घरेलु मैदानमा युनाईटेड जित निकाल्दै शीर्ष स्थानको अग्रता कायम राख्न चाहन्छ ।
युनाईटेड ३ खेलमा ६ अंक जोडेर शीर्ष स्थानमा रहेको छ ।
इस्तानबुल ३ अंक जोडेर पुछारमा रहेको छ ।
तर, युनाईटेडलाई हराएर इस्तानबुल पनि नकआउट चरणको सम्भावना कायम राख्न चाहन्छ ।
