काफ फुटबलका अध्यक्ष अहमदलाई ५ वर्षको प्रतिबन्ध

एजेन्सी । कन्फेडेरेसन अफ अफ्रिकन फुटबल (काफ) का अध्यक्ष अहमद अहमदलाई पाँच वर्षको प्रतिबन्ध लागेको छ ।

विश्व फुटबलको सर्वोच्च निकाय फिफाले सोमबार काफ अध्यक्ष अहमदलाई पाँच वर्षको प्रतिबन्ध गरेको हो ।

फिफाको आचार संहिता उलंघन गरेको कारण प्रतिबन्ध गरिएको फिफाले जनाएको छ ।

फिफाका उपाध्यक्ष समेत रहेका अहमदले पद तथा कोषको दुरुपयोग लगायतका विभिन्न आचार संहिताहरु उलंघन गरेको फिफाले जनाएको छ ।

६० वर्षीय अहमदले सन् २०१७ देखि १९ सम्म आचार संहिता उलंघन गरेको फिफाले विज्ञप्तिमा जनाएको छ ।

यस्तै उनलाई २ लाख अमेरिकी डलर जरिवाना समेत गरिएको छ ।

फिफाले उनले ६० दिन भित्र कोर्ट अफ आर्बिट्रेसन अफ स्पोर्टस (कास) मा प्रतिबन्धविरुद्ध अपिल गर्न पाउने समेत जनाएको छ ।

अहमद सन् २०१७ मा काफका अध्यक्ष चुनिएका थिए ।