एजेन्सी । इंग्लिस प्रिमियर लिग फुटबलमा आज साविक विजेता लिभरपुलले लेष्टर सिटीसँग प्रतिस्पर्धा गर्दैछ ।
लिभरपुलले घरेलु मैदानमा लेष्टरको सामना गर्नेछ । लिभरपुल र लेष्टरबीचको खेल नेपाली समय अनुसार राति १ बजे सुरु हुनेछ ।
घरेलु मैदानमा लिभरपुल लेष्टरलाई हराउँदै लिगको शीर्ष स्थानमा उक्लन चाहन्छ ।
लिभरपुल ८ खेलमा १७ अंक जोडेर लिगको चौंथो स्थानमा रहेको छ । लेष्टरलाई हराउन सकेमा लिभरपुल शीर्षमा उक्लने छन् ।
तर, लेष्टरविरुद्ध लिभरपुलका मोहमद सलाह मैदान उत्रने छैनन् । उनी कोरोना भाईरसको संक्रमणको कारण आईसोलेसनमा रहेका छन् ।
लेष्टर पनि लिभरपुललाई उसैको मैदानमा हराउने लक्ष्यमा हुनेछ ।
लेष्टर १८ अंक जोडेर तालिकाको तेस्रो स्थानमा रहेको छ ।
लिभरपुललाई हराउन सकेमा लेष्टर तालिकाको शीर्ष स्थानमा उक्लने छ ।
प्रिमियर लिग अन्तर्गत नै आर्सनलले लिड्स युनाईटेडसँग उसैको मैदानमा खेल्नेछ ।
यस्तै एभर्टनले फुलहमसँग खेल्दा सेफिल्डले वेस्ट ह्यामसँग खेल्नेछ ।
