भिल्लासँग रियल मड्रिडकाे बराबरी

एजेन्सी । स्पेनिस ला लिगा फुटबलमा साविक विजेता रियल मड्रिड बराबरीमा रोकिएको छ ।

शनिबार राति भएको खेलमा रियल भिल्ला रियलसँग १-१ गोलको बराबरीमा रोकिएको हो ।

भिल्लाको मैदानमा सुरुवाती अग्रता जोगाउन नसक्दा रियलले बराबरीमा चित्त बुझाएको हो ।

खेलको दोस्रो मिनेटमा मारीयानो डियाजले गोल गर्दै रियललाई अग्रता दिलाएका थिए ।

तर, खेलको ७६ औं मिनेटमा जेरार्ड मोरेनोले पेनाल्टीमा गोल गर्दै भिल्लालाई १-१ गोलको बराबरीमा ल्याएका थिए ।

रियलका गोलकिपर थिबाउट कोर्टुवाले आफ्नो डिबक्स भित्र स्यामुएललाई फाउल गर्दै लडाएपछि भिल्लाले पेनाल्टी पाएको थियो । जसमा मोरेनोले सहजै गोल गरे ।

यस बराबरीसँगै रियलले शीर्ष दुईमा उक्लने मौका गुमाएको छ ।

रियलले ८ खेलमा १६ अंक जोडेको छ । रियल तालिकाको चौंथो स्थानमा रहेको छ ।

भिल्लाले ९ खेलमा १८ अंक जोडेको छ । भिल्ला दोस्रो स्थानमा रहेको छ ।

अर्को खेलमा लेभान्टेले इल्चेसँग १-१ गोलको बराबरी खेलेको छ ।