आर्सनलका डिफेन्डर कोलासिनाचलाई कोरोना

एजेन्सी । इंग्लिस क्लब आर्सनल तथा बोस्निया एण्ड हर्जगोबिनाका डिफेन्डर सिड कोलासिनाचलाई कोरोना भाईरसको संक्रमण देखिएको छ ।

यूईएफए नेसन्स लिग फुटबलका लागि बोस्नियामा रहेका कोलासिनाचलाई बुधबार कोरोनाको संक्रमण पुष्टि भएको हो ।

बोस्नियाको फुटबल फेडेरसनले डिफेन्डरलाई कोरोना देखिएको जनाएको छ ।

कोरोना देखिएसँगै कोलासिनाचले इटालीविरुद्धको खेल गुमाउने भएका छन् ।

बोस्नियाले समूह चरणको अन्तिम खेलमा आज राति इटालीसँग घरेलु मैदानमा खेल्नेछ ।

२७ वर्षीय डिफेन्डर यस अघि नेदरल्यान्ड्सविरुद्धको खेल पुरै समय खेलेका थिए ।

उनले प्रिमियर लिग अन्तर्गत आइतबार हुने लिड्स युनाईटेडविरुद्धको खेल समेत गुमाउने छन् ।