इटालीलाई बोस्नियाको चुनौती

एजेन्सी । यूईएफए नेसन्स लिग फुटबलमा आज राति इटालीले बोस्निया एण्ड हर्जगोबिनासँग प्रतिस्पर्धा गर्दैछ ।

इटालीले उसैको मैदानमा बोस्नियासँग खेल्नेछ । दुई टिमबीचको खेल नेपाली समय अनुसार राति १:३० बजे सुरु हुनेछ ।

बोस्नियाविरुद्ध मैदान उत्रदा इटाली जित निकाल्ने लक्ष्यमा हुनेछ ।

लिग 'ए' को समूह 'ए' मा रहेको इटालीलाई सेमिफाइनल पुग्न जित बाहेक अन्य विकल्प छैन ।

इटाली ५ खेलमा ९ अंक जोडेर शीर्ष स्थानमा रहेको छ ।

बोस्निया २ अंक जोडेर पुछारमा रहेको छ ।

यसै समूहको अर्को खेलमा नेदरल्यान्ड्सले पोल्याण्डसँग खेल्नेछ ।

८ अंक जोडेको नेदरल्यान्ड्स दोस्रो र ७ अंक जोडेको पोल्याण्ड तेस्रो स्थानमा रहेको छ ।

दुबै टिमको अर्को चरण पुग्ने सम्भावना रहेको छ ।