एजेन्सी । यूईएफए नेसन्स लिग फुटबलमा फ्रान्सले स्विडेनलाई पराजित गरेको छ ।
मंगलबार राति भएको समूह चरणको अन्तिम खेलमा फ्रान्सले स्विडेनलाई ४-२ गोल अन्तरले पराजित गरेको हो ।
घरेलु मैदानमा एक गोलले पछि परेपनि फ्रान्सले पुनरागमन गरेको थियो ।
खेलको चौंथो मिनेटमा भिक्टर क्लासेनले गोल गर्दै स्विडेनलाई अग्रता दिलाएका थिए ।
तर, खेलको १६ औं मिनेटमा ओलिभर जेरुडले गोल गर्दै फ्रान्सलाई १-१ गोलको बराबरीमा ल्याए ।
खेलको ३६ औं मिनेटमा बेन्जामिन पाभर्डले गोल गर्दै फ्रान्सलाई २-१ को अग्रता दिलाए ।
५९ औं मिनेटमा जेरुडले व्यक्तिगत दोस्रो गोल गर्दै फ्रान्सलाई ३-१ को अग्रता दिलाए ।
खेलको ८८ औं मिनेटमा स्विडेनका रोबिन क्वाईसनले गोल गर्दै खेल ३-२ को स्थितिमा ल्याए ।
त्यसपछि खेलको इन्जुरी समयमा किंग्सले कोम्यानले गोल गर्दै फ्रान्सलाई ४-२ को जित दिलाए ।
जितसँगै लिग 'ए' समूह सीको फ्रान्सले ६ खेलमा ५ जितसहित १६ अंक जोड्यो । र, फ्रान्स अपराजित रहदै नेसन्स लिगको सेमिफाइनलमा पुगेको छ ।
पुछारमा रहेको स्विडेन भने रेलिगेसनमा परेको छ । स्विडेनले ६ खेलमा ३ अंक जोड्यो ।
अब स्विडेनले आगामी वर्ष लिग 'बी' खेल्नेछ ।
-1753270648.jpeg)
