फिफा क्लब विश्वकप फेब्रुवरीमा हुने

एजेन्सी । फिफा क्लब विश्वकप फुटबल प्रतियोगिता आगामी वर्षको फेब्रुवरीमा हुने भएको छ ।

फिफाले मंगलबार क्लब विश्वकप २०२१ को फेब्रुवरीमा हुने जनाएको छ ।

कतारमा आयोजना हुने क्लब विश्वकप फेब्रुवरी १ देखि ११ सम्म हुनेछ ।

यस अघि फिफा विश्वकप डिसेम्बरमा हुँदै आइरहेको थियो ।

तर, कोरोना भाईरसको कारण यस वर्षको क्लब विश्वकप पछि सरेको हो ।

गत वर्ष इंग्लिस क्लब लिभरपुलले उपाधि जितेको थियो ।

कतारले २०२२ को फिफा विश्वकप फुटबल समेत आयोजना गर्दैछ ।