काठमाडौं । बंगलादेशविरुद्धको दोस्रो मैत्रीपूर्ण खेलमा नेपाली टिमको कप्तानी स्ट्राइकर भरत खवासले गर्ने भएका छन् ।
प्रशिक्षक बाल गोपाल महर्जनले स्ट्राइकर भरतलाई कप्तानीको जिम्मेवारी दिएका हुन् ।
नेपाल र बंगलादेशबीचको दोस्रो खेल नेपाली अनुसार आज अपरान्ह ४:४५ बजे सुरु हुनेछ ।
यस्तै प्रशिक्षक महर्जनले दोस्रो मैत्रीपूर्ण खेलमा एक खेलाडीलाई डेब्यु गराएका छन् ।
महर्जनले डिफेन्डर छिरिङ गुरुङलाई राष्ट्रिय टिममा डेब्यु गराएका हुन् ।
बंगलादेशविरुद्धको दोस्रो खेलमा उनी सुरुवाती-११ मै परेका छन् ।
यस पटक गोलरक्षकमा किरण चेम्जोङ यथावत रहँदा डिफेन्डरमा सुमन अर्याल र अजित भण्डारीको स्थानमा रन्जित धिमाल र छिरिङ गुरुङले स्थान बनाएका हुन् ।
यस्तै मिडफिल्डर विक्रम लामाको स्थानमा एरिक बिष्टले सुरुवातमा खेल्ने छन् । दर्शन गुरुङले समेत सुरुवाती-११ मै स्थान बनाएका छन् ।
नेपालले आज पहिलो खेल खेलेका ५ खेलाडी परिवर्तन गरेको छ ।
नेपाली टिम :
गोलरक्षक : किरण चेम्जोङ
डिफेन्डर : रन्जित धिमाल, विकाश खवास, अनन्त तामाङ, छिरिङ गुरुङ
मिडफिल्डर : तेज तामाङ दर्शन गुरुङ, अन्जन बिष्ट, एरिक बिष्ट, सुजल श्रेष्ठ
स्ट्राइकर : भरत खवास (कप्तान)
-1753270648.jpeg)
