भिडाल चम्किदा चिलीको जित

एजेन्सी । फिफा विश्वकप फुटबलको छनोटमा चिलीले जित निकालेको छ ।

दक्षिण अमेरिकी छनोट अन्तर्गत शुक्रबार राति भएको खेलमा चिलीले पेरुलाई २-० गोल अन्तरले पराजित गरेको हो ।

चिलीको जितमा अर्टुरो भिडाल नायक बने । चिलीको जितमा दुबै गोल उनले गरे ।

खेलको २० औं मिनेटमा भिडालले गोल गर्दै चिलीलाई अग्रता दिलाएका थिए ।

खेलको ३५ औं मिनेटमा भिडालले व्यक्तिगत दोस्रो गोल गर्दै टोलीलाई २-० को अग्रता दिलाए ।

त्यसपछि खेलमा थप गोल नहुदा चिलीले २-० को जित निकाल्यो ।

विश्वकप छनोटमा चिलीको यो पहिलो जित हो ।

चिलीले ३ खेलमा ४ अंक जोडेको छ । चिली छैटौं स्थानमा रहेको छ ।

पेरु १ अंक जोडेर आठौं स्थानमा रहेको छ ।