ललितलाई युके नेपाली-११ को आर्थिक सहयोग

चितवन । सडक दुर्घटनामा घाइते भएका क्रिकेटर ललित सिंह भण्डारीलाई युके नेपाली-११ ले आर्थिक सहयोग प्रदान गरेको छ ।

युके नेपाली-११ ले ललितको उपचार्थ २ लाख २२ हजार २४२ रुपैया आर्थिक सहयोग गरेको हो ।

युके नेपाली-११ ले उपलब्ध गराएको आर्थिक रकम शुक्रबार राष्ट्रिय क्रिकेट टिमका कप्तान ज्ञानेन्द्र मल्ल र पूर्व कप्तान पारस खड्काले संयुक्त रुपमा ललितलाई हस्तान्तरण गरेका थिए ।

तीब्र गतिका बलर ललित गत भदौ २८ गते धनगढीबाट दुर्घटनामा परेका थिए । महेन्द्रनगर जादै गरेको ट्रकको ठक्करबाट ललित सवार मोटर साईकललाई ठक्कर दिएको थियो ।

ललितको उपचार काठमाडौंको ग्राण्डी अस्पतालमा भएको थियो । अस्पतालबाट डिस्चार्ज भएर उनी रिहाब गरिरहेका छन् ।