अर्बपति पेट्रिसद्वारा काफ फुटबलको अध्यक्षमा उम्मेदवारी

एजेन्सी । दक्षिण अफ्रिकाका धनाढ्य पेट्रिस मोटापेले कन्फेडेरेशन अफ अफ्रिकन फुटबल (काफ) को अध्यक्ष पदका लागि उम्मेदवारी घोषणा गरेका छन् ।

५८ वर्षीय धनाढ्य मोटापेले सोमबार उम्मेदवारी घोषणा गरेका हुन् ।

मोटापे अफ्रिकाका सर्वाधिक धनीको सूचीमा दशौँ स्थानमा रहेका छन् ।

फोर्ब्सको सूची अनुसार उनको सम्पति २.४ विलियन अमेरिकी डलर रहेको छ ।

यस अघि आइभरी कोस्टका ज्याकिस अनुमाले अध्यक्षको उम्मेदवारी घोषणा गरेका थिए ।

काफको नयाँ अध्यक्ष चयनका लागि निर्वाचन आगामी मार्चमा मोरक्कोमा हुनेछ ।