पुलिसिकले सेफिल्डसँगको खेल गुमाउने

एजेन्सी । इंग्लिस क्लब चेल्सीका विंगर क्रिस्टियन पुलिसिकले प्रिमियर लिग अन्तर्गत सेफिल्डसँगको खेल गुमाउने भएका छन् ।

चेल्सीका मुख्य प्रशिक्षक फ्रान्क लाम्पार्डले विंगर पुलिसिकले सेफिल्डसँगको खेल गुमाउने बताएका छन् ।

ह्यामस्ट्रिङ चोटका कारण पुलिसिकले सेफिल्डसँगको खेल गुमाउने भएका हुन् ।

'उनी खेल्नका लागि फिट छैनन् । उनी अझै ह्यामस्ट्रिङको समस्यामा रहेका छन्,' लाम्पार्डले भने ।

चेल्सीले शनिबार घरेलु मैदानमा सेफिल्डसँग खेल्नेछ ।

मुख्य प्रशिक्षक लाम्पार्डले अमेरिकन विंगर पुलिसिक टिमको प्रशिक्षणमा समेत नरहेको बताए ।

'उनी प्रशिक्षणमा छैनन् । मिडविकमा उनी तल्लो तहको प्रशिक्षणमा थिए तर सहज थिएन । हामीले समाधान खोजिरहेका छौँ,' उनले थपे ।