एजेन्सी । च्याम्पियन्स लिग फुटबलको समूह चरण अन्तर्गत आज स्पेनिस क्लब बार्सिलोनाले डाइनामो किभसँग प्रतिस्पर्धा गर्दैछ ।
समूह 'जी' मा रहेको बार्सिलोनाले घरेलु मैदानमा युक्रेनी क्लबसँग खेल्नेछ ।
बार्सिलोना र किभबीचको खेल नेपाली समय अनुसार राति १:४५ बजे सुरु हुनेछ ।
घरेलु मैदानमा बार्सिलोना लगातार तेस्रो जित निकाल्ने लक्ष्यसहित मैदान उत्रने छ ।
समूह चरणका दुई खेल जितेको बार्सिलोना ६ अंक जोडेर समूहको शीर्ष स्थानमा रहेको छ ।
बार्सिलोनाले पहिलो खेलमा हंगेरियन क्लब एफटिसीलाई ५-१ ले हराएको थियो ।
दोस्रो खेलमा इटालियन क्लब युभेन्ट्सलाई उसैको मैदानमा २-० ले हराएको थियो ।
घरेलु मैदानमा बार्सिलोना लगातार तेस्रो जित निकाल्न चाहन्छ ।
किभ भने पहिलो जितको खोजीमा रहेको छ । किभले २ खेलमा १ अंक जोडेको छ ।
यसै समूहको अर्को खेलमा युभेन्ट्सले एफटिसीसँग खेल्नेछ । युभेन्ट्स ३ खेलमा ३ अंक जोडेर तालिकाको दोस्रो स्थानमा रहेको छ ।
हंगेरियन क्लबविरुद्ध स्टार स्ट्राइकर रोनाल्डोले खेल्नेछ । कोरोना भाईरसको संक्रमणको कारण उनले यस अघिका दुई खेल गुमाएका थिए ।
