घरेलु मैदानमा नापोलीको हार 

एजेन्सी । इटालियन सिरी 'ए' फुटबलमा उपाधि दाबेदार नापोली पराजित भएको छ ।

आइतबार राति भएको खेलमा नापोली घरेलु मैदानमा सासुओलोसँग २-० ले पराजित भएको हो ।

सासुओलोलाई जित दिलाउन मानुएल लोकाटेली र म्याक्सिम लोपेजले एक एक गोल गरे ।

पहिलो हाफ गोलरहित बराबरीमा सकिएको खेलको ५९ औं मिनेटमा मानुएलले गोल गर्दै टोलीलाई अग्रता दिलाएका थिए ।

त्यसपछि खेलको इन्जुरी समयमा लोपेजले गोल गर्दै सासुओलोलाई २-० को जित दिलाए ।

जितसँगै सासुओलो तालिकाको दोस्रो स्थानमा उक्लिएको छ । सासुओलोले ६ खेलमा १४ अंक जोडेको छ ।

नापोली ११ अंक जोडेर पाँचौं स्थानमा रहेको छ ।