चार खेलाडीको सम्झौता नविकरण

एजेन्सी । बार्सिलोनाले चार सिनियर खेलाडीको सम्झौता नविकरण गरेको छ ।

कोरोना भाईरसको महामारी कारण अस्थायी रुपमा खेलाडीको तलब कटौती गर्दै बार्सिलोनाले चार सिनियर खेलाडीको सम्झौता नविकरण गरेको हो ।

सम्झौतामा क्लबमा लामो समयदेखि रहेका जेरार्ड पीके, मार्क आन्द्रे टेर स्टेगन सहित फ्रेन्की डी जोंग र क्लेमेन्ट लेन्गलेट रहेका छन् ।

नयाँ सम्झौता अनुसार ३३ वर्षिया पीके सन् २०२४ को जुनसम्म क्लबमा रहनेछन् ।

यस्तै, २५ वर्षिया लिन्गलेट, २३ वर्षिया डी जोङ भने सन् २०२६ सम्म क्लबमा रहनेछन् । २८ वर्षिया टेन स्टिगनले सन् २०२५ सम्म सम्झौता नविकरण गरेका छन् ।

स्पेनका डिफेन्डर पीकेले नाउ क्याम्पमा १३ औं सिजन बताईरहेका छन् । उनले बार्सिलोनाबाट ५ सय ४८ क्याप जितेका छन् ।