जिम्बावेले पाकिस्तानको भ्रमण गर्ने

एजेन्सी । जिम्बावे क्रिकेट टिमले आगामी अक्टोबरमा पाकिस्तानको भ्रमण गर्ने भएको छ ।

जिम्बावे सरकारले बुधबार क्रिकेट टिमलाई पाकिस्तान भ्रमणको लागि अनुमति दिएको जिम्बावे क्रिकेटले जनाएको छ ।

अक्टोबरदेखि नोभेम्बरसम्म हुने भ्रमणमा जिम्बावेले पाकिस्तानसँग सिमित ओभरको क्रिकेट सिरिज खेल्नेछ ।

जिम्बावे र पाकिस्तानले आईसीसी क्रिकेट विश्वकप सुपर लिग अन्तर्गतको एकदिवसीय सिरिज खेल्ने बताईएको छ ।

यस्तै तीन खेलको टी-ट्वान्टी सिरिज पनि हुनेछ ।

कोरोना भाईरसको महामारीपछि जिम्बावे पहिलोपटक पाकिस्तान भ्रमणमा निस्कन लागेको हो ।

पाकिस्तानले यस अघि इंग्ल्यान्डको भ्रमण गरिसकेको छ ।