काठमाडौं । इभान राकिटिचले बार्सिलोनाका फरवार्डद्धय लियोनल मेस्सी र लुइस सुआरेज क्लबमा रहदाँ नजिकको साथी नबनेको बताएका छन् ।
३२ बर्षका मिडफिल्डरले बार्सिलोनामा ६ बर्ष बिताएका थिए । उनी अहिले पुरानै क्लब सेभिया फर्किएका छन् ।
रिपोर्टका अनुसार राकिटिचको मेस्सी र सुआरेजसंग राम्रो सम्बन्ध नभएको समाचार बाहिरिने गरेको थियो ।
राकिटिचले समेत आफुहरु बीच नजिकको सम्बन्ध नभएको स्विकार गरेका छन् ।
उनले आफुहरु बीच कुनै बिशेष सम्बन्ध नभएको उल्लेख गर्दै दुवै खेलाडीप्रति आफ्नो सम्मान भने रहेको बताए ।
‘म मेरोतर्फबाट भन्छु ।’ राकिटिचले भने, ‘मेरो सम्बन्ध दुवै जनासंग नजिकको रहेन । करिब २३–२४ जनाको समूहमा यस्तो कुरा कठिननै हुन्छ ।’
‘मेरा नजिकका साथी आन्द्रे इनिस्टा, टेर स्टेगन, बोटेंग र जुनियर फिप्रो रहे ।’ उनले थपे ।
‘तर म दुवै खेलाडीलाई सम्मान गर्छु । उनीहरु ६ बर्ष मेरा सहकर्मी रहे । उनीहरु महत्वपूर्ण खेलाडी रहे । मैले सधै अविश्वसनीय रुपमा राम्रो प्रर्दशन गरेको छु । र उनीहरुका लागि अत्यन्त सम्मान रहेको छ ।’ उनले भने ।
‘कोरोना भाइरसको लकडाउनका कारण हामी सबै एक साथ छिमेकी पनि भयौं । म यस कुरा लागि सधै अनुग्रही छु, उनीहरुले मसंग बर्षैसम्म जसरी ब्यवहार गरे ।’ राकिटिचले भने ।
राकिटिच पुन सेभिया फर्किएका छन् । उनले सन् २०११ देखि २०१४ सम्म स्पेनिस क्लबमा बिताएका थिए । उनले भर्खरै अन्तराष्ट्रिय फुटबलबाट सन्यासको घोषणा गरेका छन् ।
‘राष्ट्रिय टिमबाट बिदा लिनु मेरा लागि निकै कठिन निर्णय थियो । तर मलाई लाग्छ, ब्रेक लिनका लागि यही उपयुक्त समय हो ।’ उनले भने ।
‘राष्ट्रका लागि खेलिएका हरेक खेलमा मैले रमाईलो गरे । विश्वकपको क्षण मेरो जिवनको अविश्वमरणीय क्षण मध्यको एक हुनेछ ।’ उनले थपे ।
राकिटिचले क्रोएसियाबाट १ सय ६ खेलमा १५ गोल गरेका थिए । उनी सम्मिलित टिम सन् २०१८ को विश्वकपको फाईनल पुगेको थियो ।
सेभियाले नयाँ सिजनको सुरुवात यूईएफए सुपर कपमा बायर्न म्युनिखबिरुद्ध खेल्दै गर्नेछ । उसले गत सिजन युरोपा लिगको उपाधि जितेको थियो ।
ला लिगा सुरु भईसकेको छ । सेभियाले सेप्टेम्बर २८ मा काडिजबिरुद्ध खेल्दै नयाँ सिजनको सुरुवात गर्नेछ ।
