एजेन्सी । फ्रेन्च लिग वान फुटबलमा मार्सेलीले पहिलो हार व्यहोरेको छ ।
बिहीबार राति भएको खेलमा सेन्ट इटिनेसँग २-० ले पराजित हुँदै मार्सेलीले सिजनको पहिलो हार व्यहोरेको हो ।
सेन्ट इटिनेको जितमा रोमेन हामोउमा र डेनिस बोउनगाले एक एक गोल गरे ।
खेलको छैटौं मिनेटमा रोमेनले गोल गर्दै इटिनेलाई सुरुवाती अग्रता दिलाएका थिए ।
त्यसपछि ७५ औं मिनेटमा डेनिसले गोल गर्दै इटिनेलाई २-० को जित दिलाए ।
जितसँगै इटिने लिगको शीर्ष स्थानमा उक्लिएको छ । इटिनेको यो लगातार तेस्रो जित हो ।
इटिनेले ३ खेलमा ९ अंक जोडको छ ।
मार्सेली ३ खेलमा ६ अंक जोडेर आठौं स्थानमा रहेको छ ।
