फाब्रिगासको ८ सयौं खेल पुरा
एजेन्सी । सेस फाब्रिगासले व्यवसायीक फुटबल करियरको ८ सयौं खेल पुरा गरेको खेलमा मोनाकोले जित हासिल गरेको छ ।
फाब्रिगास प्रेरित मोनाकोले लिग वानको खेलमा नान्टलाई २–१ ले हराएको हो ।
खेलपछि फाब्रिगासलाई ड्रेसिङ रुपमा ८ सय खेलको बिशेष टिसर्ट दिईएको थियो ।
लण्डन क्लब चेल्सी र आर्सनलका पूर्व खेलाडी फाब्रिगासले मुख्य भूमिका खेल्दा मोनाकोले लिग वानका अपराजित यात्रालाई कायम राखेको छ ।
सोफिया डायपले मोनाकोलाई सुरुवाती अग्रता दिलाएका थिए । पाहुना टोलीका लुडोविक ब्लासले नान्टका लागि बराबरी गोल फर्काएका थिए । विलेम गेम्बेल्सले मोनाकोका लागि विजयी गोल गरेका थिए ।
१७ बर्षको उमेरमा फाब्रिगासले आर्सनलबाट सिरियर फुटबलमा डेब्यु गरेका थिए । उनले आर्सनलबाट ३ सय ३ खेल खेल्दै सन् २०११ मा बाल्यकालको क्लब बार्सिलोनामा गएका थिए ।
उनले बार्सिलोनामा १ सय ५१ खेलमा प्रतिस्पर्धा गरे । लगत्तै उनी सन् २०१४ मा लण्डन क्लब चेल्सी फर्किएका थिए । उनले चेल्सीबाट १ सय ९८ खेलमा प्रतिस्पर्धा गरेका थिए । उनी सन् २०१९ मा लण्डन क्लबबाट मोनाकोमा आएका थिए ।
उनले मोनाकोबाट ३८ खेलमा प्रतिस्पर्धा गरेका छन् भने स्पेनका अन्तराष्ट्रिय खेलाडी फाब्रिगासले राष्ट्रिय टिमबाट १ सय १० क्याप जितेका छन् ।
उनले आफ्नो करियरको दौरानमा विश्वकप, युरोकपसंगै इङ्ल्याण्ड र स्पेनमा लिग उपाधि समेत जितेका छन् ।
फाब्रिगासको मोनाकोसंगको सम्झौता अझै २ बर्ष बाँकी छ । उनले सन्यास अघि व्यवसायीक फुटबलमा थप केही बर्ष बिताउनेछन् ।
