सिमोन कोरोना संक्रमित

एजेन्सी । डिएगो सिमोन कोरोना भाइरसबाट संक्रमित भएका छन् ।

परिक्षणको क्रममा एट्लेटिको मड्रिडका प्रशिक्षक सिमोनमा कोरोना पोजेटिभ देखिएको हो ।

क्लबले समाचारको पुष्टि गर्दै आफ्ना प्रशिक्षक कोरोनाबाट संक्रमित भएको जनाएको छ ।

५० बर्षिया अर्जेन्टिनी प्रशिक्षकलाई कोरोनाको कुनै लक्षण नदेखिएको बताईएको छ । संक्रमित भएको पत्ता लाग्ने बित्तिकै उनी एकान्तवासमा गएका छन् ।

नयाँ सिजनको तयारी स्वरुप उनी गत सोमबारबाट प्रशिक्षण गराउन सुरु गरेका थिए ।

एट्लेटिकोले मंगलबार काडिजसंग मैत्रीपूर्ण म्याच खेल्ने तय थियो । एट्लेटिकोले सेप्टेम्बर २७ मा घरेलु मैदानमा ग्रानाडालाई आतिथ्यता प्रदान गर्दैछ ।

‘प्रयोगशालामा गरिएको नमुना परिक्षणमा हाम्रा प्रशिक्षक डिएगो सिमोनको कोरोना परिक्षण पोजेटिभ आएको छ ।’ क्लबद्धारा जारी बिज्ञप्तीमा भनिएको छ ।

'उनलाई अहिलेसम्म कुनै लक्षण देखिएको छैन । उनी घरमा एकान्तवासमा रहेका छन् । क्वारेन्टिनको समय पुरा गरेपछि उनी अभ्यासमा फर्कनेछन् । अभ्यास गत सोमबारबाट सुरु भएको छ ।' क्लबले भनेको छ ।

समर सिजनको बिश्रामपछि स्पेन फर्कने क्लबका सदस्यमा सिमोनको मात्र कोरोना पोजेटिभ देखिएको हो ।

क्लबका फरवार्ड डिएगो सिमोन र डिफेन्डर स्याटियागो एरिसलाई समेत यसअघि कोरोना संक्रमण देखिएको थियो ।