सुआरेजलाई युभेन्ट्सको प्रस्ताव

एजेन्सी । उरुग्वेका फरवार्ड लुइस सुआरेजलाई अर्को सिजन युभेन्ट्समा देख्न पाईने सम्भावना बढेको छ ।

युभेन्ट्सका नयाँ प्रशिक्षक आन्द्रे पिर्लोले बार्सिलोनाबाट बाहिर निस्कन लागेका सुआरेजलाई क्लबमा अनुबन्धनको तयारी गरेका छन् ।

सिरि ए च्याम्पियन्स युभेन्ट्सले बार्सिलोनका फरवार्ड सुआरेजलाई इटाली आउन प्रस्ताव गरेको छ ।

नयाँ प्रशिक्षक पिर्लोले खेलाडी सरुवा बजारमा नयाँ फरवार्डको खोजी गरिरहेका छन् । भर्खरैमात्र पिर्लोले फरवार्ड गोन्जालो हिग्विनले क्लब छाड्ने प्रष्ट पारेका थिए ।

३३ बर्षिया फरवार्ड सुआरेजले अहिलेसम्म इटालीबाट खेलेका छैनन् । उनी सन् २०१४ मा लिभरपुलबाट बार्सिलोना गएका थिए । उनले त्यसअघि अजाक्सबाट खेले ।

बर्सिलोनामा नयाँ प्रशिक्षक रोनाल्ड कोम्यान आएका छन् । उनले फोन कलबाटै सुआरेजलाई बार्सिलोनामा भविष्य नरहेको जानकारी दिईसकेका छन् ।

‘केही नामको चर्चा भएको हो, जसलाई क्लबका अध्यक्षले दिएका थिए । जुन बदलिन सक्छ । तर कसैले पनि मलाई बताएनन् कि उनीहरु म बिना गर्न चाहेका छन् ।’ उनले एक अन्तरवार्तामा भनेका छन् ।

‘यदी क्लबको ईच्छा यही हो भने सम्बन्धित ब्यक्तिले मसंग सिधै कुरा गरोस । म बार्सिलोनामा ६ बर्षदेखि छु । यो भन्नका लागि पर्याप्त समय थियो, उनीहरु के सोचिरहेका छन् । मलाई सिधै भन्दा राम्रो हुने थियो, म पनि एक हुन्, जो उनीहरु बाहिर पठाउन चाहन्थे ।’ सुआरेजले भने ।

‘म पनि क्लबको सर्वश्रेष्ठ चाहन्छु । मेरो योजना आज पनि निरन्तरतामा छ । यदी क्लबलाई म खर्च गरिरहेको लाग्छ भने, मलाई निर्णय लिनेसंग बोल्न कुनै समस्या छैन ।’ उनले भने ।

लियोनल मेस्सीले समेत भर्खरैमात्र बार्सिलोनासंग क्लब छाड्ने निर्णय सुनाई सकेका छन् । उरुग्वेका फरवार्ड युभेन्ट्स आएको खण्डमा सुआरेज र क्रिस्टियानो रोनाल्डोलाई टुरिन क्लबको अग्रपङ्तीमा देख्न सकिनेछ ।