मिलानका गोलरक्षक पेपे लाजियोमा

एजेन्सी । इटालियन सिरी 'ए' क्लब लाजियोले गोलरक्षक पेपे रिनालाई अनुबन्ध गरेको छ ।

स्पेनिस गोलरक्षक पेपेलाई लाजियोले एसी मिलानबाट अनुबन्ध गरेको हो ।

लाजियोले ३७ वर्षीय गोलरक्षकसँग २ वर्षको सम्झौता गरेका छन् ।

लाजियोले उनको सम्झौता रकम भने खुलाएको छैन ।

विश्वकप विजेता गोलरक्षक पेपेले गत सिजन भने लोनमा एस्टन भिल्लाबाट खेलेका थिए ।

पेपे सन् २०१८ मा नापोलीबाट मिलान आएका थिए ।

त्यसअघि उनले बायर्न म्युनिख, लिभरपुल र बार्सिलोनाबाट समेत खेलेका थिए ।

स्पेनले सन् २०१० को विश्वकप जित्दा पेपे टिममा रहेका थिए ।

यस्तै स्पेनले २००८ र २०१२ मा युरोकप जित्दा उनी टिममा थिए ।

उनले क्लब करियरमा जर्मन बुन्डेसलिगा, कोपा इटालिया, एफए कप, कम्युनिटी शिल्ड लगायतका उपाधि जितिसकेका छन् ।