एजेन्सी । डिन हेन्डरसनले म्यान्चेष्टर युनाईटेडसंग ५ बर्षको सम्झौता गरेका छन् । साप्ताहिक १ लाख २० हजार पाउण्ड तलब पाउने शर्त सहित हेन्डरसनले ५ बर्षको सम्झौता गरेका हुन् ।
उनले गत सिजन लोनमा सेफिल्ड युनाईटेडबाट खेलेका थिए । उनी पहिलो रोजाईको गोलकिपर बन्ने उद्धेश्य सहित युनाईटेडसंग नयाँ सम्झौता गरेका हुन् ।
२३ वर्षीय गोलकिपर अर्को सिजन लोनमा बाहिरी क्लब जाने छैनन् । उनी आले गुनर सोल्सायरको पहिलो गोलकिपरको रुपमा युनाईटेडमा रहन चाहेका छन् ।
इंग्ल्यान्ड गोलकिपर हेन्डरसनले पछिल्लो वर्ष मात्र ६० हजार पाउण्डमा हस्ताक्षर गरेका थिए । नयाँ सम्झौता अनुसार सोल्सायरले टिमको गोलकिपरका लागि कडा प्रतिस्पर्धा चाहेका छन् ।
युनाईटेडले गोलकिपरमा मात्र साप्ताहिक ५ सय ७० मिलियन पाउण्ड खर्च गर्दै आएको छ । स्पेनिस स्टार डी गियाले साप्ताहिक ३ लाख ५० हजार पाउण्ड, सर्जियो रोमिरोले साप्ताहिक ७० हजार र ली ग्रान्टले साप्ताहिक ३० हजार पाउण्ड तलब प्राप्त गर्दै आएका थिए ।
‘म्यान्चेष्टर युनाईटेड डिन हेन्डरसनसंग नयाँ सम्झौता गर्न पाउदा निकै खुसी छ । जसले उनलाई सन् २०२५ सम्म क्लबमा राख्नेछ । आगामी बर्षमा सम्झौता थप्ने मिल्ने विकल्प समेत समावेश छ ।’ क्लबले जारी गरेको बिज्ञप्तीमा भनिएको छ ।
हेन्डरसन ईङ्लिस टिमका खेलाडी हुन् । उनी युनाईटेड एकेडेमीका खेलाडी हुन् । उनी १४ बर्षका उमेरदेखि युनाईटेडमा रहेका छन् ।
उनले गत सिजन प्रिमियर लिगका १३ खेलमा क्लिन चिट पाएका थिए । उनी प्रिमियर लिगको युवा खेलाडी अवार्डबाट सम्मानित समेत गरेका थिए ।
उनलाई ईङ्लिस राष्ट्रिय टिमका प्रशिक्षक ग्यारेथ साउथगेटले समेत ईङ्ल्याण्डको टिममा समावेश गरेका छन् ।
‘पछिल्लो पाँच बर्षदेखि जुन बाटो हिडिरहेको छु । त्यो मेरो विकासका लागि शानदार रहेको छ । र सेफिल्ड युनाईटेडमा रहेको अवधि एक महत्वपूर्ण हिस्सा बनेको छ ।’ उनले भनेका छन् ।
‘युनाईटेडको गोलकिपिङ विभाग निकै उत्कृष्ट छ ।’ उनले थपे ।
‘युनाईटेडमा तीन उच्च कोटीका गोलकिपर छन् । जसले खेलमा धेरै उपलब्धि हासिल गरेका छन् । म टिममा काम गर्न गईरहेको छु ।’ हेन्डरसनले भने ।
-1753545694.jpg)
